ЭРХ ЗҮЙ, НУТГИЙН УДИРДЛАГЫН ХӨГЖЛИЙН ХОРОО ХУРАЛДАЖ, ХОЁР АРГА ХЭМЖЭЭНИЙ ТӨСӨЛ ХЭЛЭЛЦЛЭЭ

Дүүргийн иргэдийн Төлөөлөгчдийн Хурлын Эрх зүй, нутгийн удирдлагын хөгжлийн хороо өнөөдөр хуралдаж, харьяалах асуудлынхаа хүрээнд хоёр арга хэмжээний төсөл хэлэлцлээ. Тухайлбал, “Хүний нөөц, нийгмийн баталгаа-2028”, “Гамшиг ослоос урьдчилан сэргийлэх, эрсдэлийг бууруулах үйл ажиллагаанд гамшгаас хамгаалах сайн дурын хэсэг, иргэдийн оролцоог хангах-2028” арга хэмжээний төслийг хэлэлцэж, дүүргийн иргэдийн Төлөөлөгчдийн Хурлын хуралдаанаар хэлэлцүүлэхийг дэмжив. Хуралдаанд Эрх зүй, нутгийн удирдлагын хөгжлийн хорооны дарга Д.Мөнхтөр, гишүүн Н.Бямбагэрэл, З.Бямбажав, Б.Ерөө, Э.Уянга, А.Эрдэнэбат нар оролцлоо.