ТӨСВИЙН ЗАРЦУУЛАЛТЫН ХЯНАЛТЫН ХОРОО ХУРАЛДЛАА 2026

Чингэлтэй дүүргийн иргэдийн Төлөөлөгчдийн Хурлын Төсвийн зарцуулалтын хяналтын хороо ээлжит хуралдаанаа зохион байгууллаа.

Хуралдаанаар Чингэлтэй дүүргийн Дотоод аудитын албаны 2025 онд хэрэгжүүлсэн хяналт шалгалтын ажлын биелэлтийг хэлэлцэж, 2026 онд хэрэгжүүлэх хяналт шалгалтын төлөвлөгөөтэй танилцав.

Мөн дүүргийн татварын бодлого, татварын орлогын бүрдүүлэлт, үйл ажиллагааны хэрэгжилтийн талаар холбогдох албаныхны мэдээллийг сонсож, татварын орлогыг нэмэгдүүлэх, төсвийн сахилга бат, санхүүгийн хяналтыг сайжруулах чиглэлээр санал солилцон хэлэлцлээ.