chingelteicouncil

Зөвлөл хуралдаж, дүүргийн жижиг, дунд үйлдвэрлэл, худалдаа, үйлчилгээ эрхлэгчдийг дэмжих арга хэмжээний талаар хэлэлцэв

Чингэлтэй дүүргийн иргэдийн Төлөөлөгчдийн Хурлын Зөвлөл хуралдаж, дүүргийн Теле камерын хяналтын дэд төв ОНӨТҮГ-ын үйл ажиллагаанд дэмжлэг үзүүлж, хяналт тавих ажлын хэсгийн танилцуулга, дүүргийн худалдаа үйлчилгээ, жижиг дунд үйлдвэрлэл эрхлэгчдийг дэмжих арга хэмжээний талаар хэлэлцсэн юм. Тодруулбал, УИХ-ын даргын санаачилсан “Чөлөөлье” аян болон нийслэлийн хэмжээнд 2026 оныг “Бизнес эрхлэгчдийг дэмжих жил” болгон зарласантай холбогдуулан Чингэлтэй дүүрэг өөрийн нутаг дэвсгэр дэх боломжит байршлыг худалдаа, үйлчилгээ, жижиг дунд, үйлдвэрлэл эрхлэгчдэд нээлттэй ашиглуулах, тэднийг чөлөөтэй худалдаа эрхлэх боломжоор хангах нөхцөлийг бүрдүүлэх юм. Өөрөөр хэлбэл, Тусгаар тогтнолын талбайд гэхэд аж ахуйн нэгжүүдийг худалдаа эрхлэх, бараа бүтээгдэхүүнээ худалдан борлуулах, үйлчилгээ эрхлэх боломжоор ханган дэмжлэг үзүүлэх юм. Ингэхдээ томоохон хэмжээний салбар дэлгүүртэй аж ахуйн нэгжүүдэд давуу байдал олгох бус жижиг, дунд үйлдвэрлэл, худалдаа, үйлчилгээ эрхлэгчдийг орлого олох боломжоор хангах талаар хэлэлцэн, шийдвэрлэсэн юм.